夏蕙BB搶頭炷香攻略　幾點開始霸頭位？

雞，全部都係雞！每逢年三十晚，善信都會前往黃大仙祠爭上頭炷香，但數到最出位的信眾，就不得不提被網民譽為另類女神的「夏蕙BB」黃夏蕙。她每年都以生肖造型出動，幾乎已將12生肖造型全數集齊。

今年雞年，夏蕙BB是否準備Cosplay成「雞」登場上香？TOPick訪問了夏蕙BB，她亦不諱言：

今年真係會著到成隻雞咁！

她透露今年的雞型打扮會以紅襯金，頭上亦有大大個雞冠，「全身都好似雞咁。」對於歷年來維妙維肖的造型，她直言自己每年都會悉心打扮：

以前著得好隨便，但後來諗到橫掂都係去，不如著得特別啲，人哋又開心，我又開心！

她亦向TOPick讀者分享多年來的搶頭炷香心得，

1. 幾點要去到霸位？

要搶先上頭炷香，當然要及早到場霸位。夏蕙BB說，將於年三十當日的下午4點，就會提早到場，更會和周潤發胞姊周聰玲一同到場排隊。

談到為何每年都風雨不改要上頭炷香，她解釋指「一個人最重要都係誠意和誠心，自己有個信仰，一定要去」。

2. 上頭注香要帶備護目鏡？

雖然早幾年夏蕙BB都有帶備護目鏡出動，不過現時已再沒有此必要。她指以前真的很大煙，但近年黃大仙祠已更改了規則， 善信每人只限手拿一枝香，而且亦會在將近踏正年初一時才開始點香，所以有心的善信不用再帶備護目鏡了。

不用護目鏡，但一定要帶帽。夏蕙BB提醒，如煙灰散落在頭髮上，擔心可能會著火，故帶帽會較合適；如仍怕煙霧澀眼，帶一副普通眼鏡稍為阻擋便可。

3. 需要帶備乾糧嗎？

畢竟等候時間漫長，故不少善信可能都要會帶備乾糧充飢。但夏蕙BB就說，自己向來都不帶乾糧，反而會和友人輪流到附近食肆用膳，「善信一向好守跌序，唔會霸咗你個位。」

4. 會為香港祈福嗎？

夏蕙BB說，除了會祈求世界和平外，亦希望現時社會可少些爭拗，政府為社會多些做事，樓價不要太貴，並針對窮人及老人家提供更多津貼，讓現時流離失所的弱勢社群得到援助。夏蕙BB如此善心，絕對無愧網民封予她的女神之名。

到底當日她的造型如何？大家不妨拭目以待。 

【其他熱話】返工時間睇色情片　淫審處日薪800元請審裁委員

【其他熱話】拜年10大「地雷」問題 你最憎答邊一條？

【其他熱話】拒絕過「肥」年　指6粒笑口棗＝1湯匙油